Музей традыцыйнага ручнога ткацтва Паазер`я

Музей распавядае пра асаблівасці ручнога ткацтва канца ХІХ — пачатку ХХ стагоддзя на Паазер'і — гэта значыць у Полацкім, Глыбоцкім, Міёрскім, Шаркаўшчынскім, Верхнядзвінскім, Пастаўскім, Докшыцкім раёнах Віцебскай вобласці.

Музей гісторыі архітэктуры Сафійскага сабора

Сафійскі сабор належаў да нешматлікай групы пабудоў першай паловы XI ст. (Сафійскія саборы ў Кіеве і Ноўгарадзе, Спаса-Праабражэнскі сабор у Чарнігаве), якія стаялі каля вытокаў айчыннага дойлідства. Пабудаваныя ў перыяд найвышэйшага росквіту Полацкага княства пры Усяславе Брачыславічы, Сафія Полацкая стала самым старажытным каменным будынкам на тэрыторыі сучаснай Беларусі.

Краязнаўчы музей

Старэйшы музей горада распавядзе аб Полацку як сталіцы старажытнейшага ўсходнеславянскага княства - калысцы беларускай дзяржаўнасці і духоўнасці; пазнаёміць з развіццём міжнародных гандлёвых зносін горада і цяжкімі часамі ў гады выпрабаванняў незлічонымі войнамі. У залах музея Вы даведаецеся аб тым, як Полацк стаў цэнтрам асветы і сусветнай сталіцай езуітаў; аб слынных кадэцкіх традыцыях і жыцці горада ў складзе Расійскай імперыі, СССР і на сучасным этапе.

Прыродна-экалагічны музей

Экспазіцыя музея размясцілася ў будынку былой воданапорнай вежы, пабудаванай у 1953 г. Вышыня пабудовы 32,7 м, дыяметр 8 м. Экспазіцыйная плошча 300кв.м, экспануецца больш за 1000 прадметаў натуральна-гістарычнай калекцыі.

Музей беларускага кнiгадрукавання, музей-бібліятэка Сімяона Полацкага

Музей размешчаны ў будынку былой Брацкай школы Полацкага Богаяўленскага манастыра, помніка архітэктуры XVIII стагоддзя.

Мастацкая галерэя

Мастацкая галерэя размяшчаецца ў адным з корпусаў былога езуіцкага калегіума, помніку архітэктуры ХVІІІ ст. Агульная плошча музея складае 900 кв.м. У экспазіцыі галерэі прадстаўлены калекцыі культавага прыкладнога мастацтва ХІІ – ХІХ стст., іканапісу ХVІІІ – ХХ стст., свецкага партрэтнага жывапісу ХVІІІ ст., выяўленчага мастацтва Беларусі ХХ ст. Мастацкая галерэя мае дзве выставачныя залы для паказу зменных выстаў і мастацкі салон.

Дзіцячы музей

Адзіны дзіцячы музей Беларусі ў Полацку. Ідэя музея ў тым, каб развіваць творчае мысленне дзіцяці, знаёміць яго з пазнавальнымі законамі фізікі і фарміраваць асобу праз зносіны.

Музей баявой славы

Музей размешчаны ў маляўнічым парку імя "50-годдзя Савецкай улады«, побач са знакамітым мемарыяльным комплексам - "Курган неўміручасці", які быў узведзены палачанамі ў 1966 годзе ўручную і ўрачыста адкрыты 3 ліпеня 1966 года.

Стацыянарная выстаўка «Прагулка па Ніжне-Пакроўскай»

Стацыянарная выстава "Прагулка па Ніжне-Пакроўскай" - унікальная экспазіцыя створаная ў 1998 годзе на падставе "Даведніка па горадзе Полацку", выпушчанаму ў 1910 годзе, калі мошчы святой Ефрасінні Полацкай вярнуліся ў родны горад з Кіева. Гэта першая манаграфічная экспазіцыя, прысвечаная гісторыі адной вуліцы.

Былы езуіцкі калегіум

Езуіцкі калегіум у Полацку быў адкрыты ў 1580 годзе па ўказе караля Стэфана Баторыя. Архітэктурны комплекс каменных пабудоў калегіума, узведзены ў XVIII стагоддзі. У 1812 годзе калегіум быў ператвораны ў Полацкую езуіцкую акадэмію, якая стала найбуйнейшым адукацыйным цэнтрам Беларусі. У 1820 годзе пасля высылкі езуітаў з Расійскай імперыі Акадэмія была ліквідавана. У 1835-1915 гг. у будынку знаходзiўся Полацкі кадэцкі корпус. Цяпер тут размешчаны факультэты Полацкага дзяржаўнага ўніверсітэта і мастацкая галерэя Нацыянальнага Полацкага гісторыка-культурнага музея-запаведніка.

Музей сярэднявечнага рыцарства

Гэта невялікі музей, які не адрозніваецца манументальнасцю , аднак жа здольны падарыць наведніку нямала цікавых і пазнавальных хвілін. Усяго тры пакоі з узорамі рыцарскай амуніцыі, прадметамі сярэднявечнага побыту — і, для самых адважных, прэзентавана экспазіцыя камеры катаванняў. Зрэшты, нават апошняя не навявае жаху, а проста расказвае як выкарыстоўваліся тыя ці іншыя прыстасаванні ў старажытныя, часам жорсткія часы.

Спаса-Праабражэнскі храм Полацкага Спаса-Еўфрасіннеўскага манастыра

Комплекс Спаса-Еўфрасіннеўскага манастыра.

Помнік "Полацк - калыска беларускай дзяржаўнасці"

Барысаў камень

Помнік прападобнай Еўфрасінні Полацкай

Помнік Сімяону Полацкаму

Памятны знак " Полацк-геаграфічны цэнтр Еўропы»

Помнік літары Ў

Помнік крывічам, якія заснавалі горад